2021-ci ilin son Günəş tutulması başlayıb.
QİA.AZ-ın məlumatına görə, ümumilikdə 4 saat 8 dəqiqə davam edəcək tutulma Yer kürəsinin cənub hissəsində, xüsusilə də Antarktidada müşahidə olunub.
Günəşin tam tutulması müddəti 1 dəqiqə 54 saniyə davam edib.
Qismən tutulma, eyni zamanda Avstraliyanın cənubu, Afrikanın cənubu, Cənubi Amerikanın cənubu, Sakit, Atlantik, Hind okeanlarında müşahidə olunur.
Növbəti tam Günəş tutulması 2023-cü il aprelin 20-də baş verəcək. Azərbaycanda da müşahidə olunacaq qismən Günəş tutulması isə 2022-ci il oktyabrın 25-də qeydə alınacaq.