“Gürcüstanda olan xarici ölkə vətəndaşlarına koronavirusa qarşı vaksinasiyadan keçmək imkanı veriləcək”.
QİA.AZ xəbər verir ki, bunu ölkənin Xəstəliklərə Nəzarət və İctimai Sağlamlıq Milli Mərkəzinin rəhbəri Amiran Qamkrelidze deyib.
O, bu məsələnin Dövlət Qurumlarıarası Koordinasiya Şurasının toplantısında müzakirə olunacağını bildirib: “Gürcüstanda yaşayış izni olan xarici vətəndaşlar və diplomatlara peyvənd vurulur. Ölkə ərazisində müəyyən müddət ərzində olan əcnəbilər üçün də vaksini əlçatan etməyi düşünürük”.