Kirov şəhərində (Rusiya Federasiyası) 10 yaşlı qız doqquzmərtəbəli binanın damından yıxılaraq iki qonşu binanın divarları arasında ilişib qalıb.
Oxu.Az kp.ru-ya istinadən xəbər verir ki, qızın damda nə etdiyi hələ ki məlum deyil.
Hadisə yerinə yanğın-xilasetmə hissəsinin əməkdaşları gəliblər. Onlar damın üzərinə çıxaraq uşağı xilas ediblər.
Mühafizə rəisi nərdivanı ilə qızın yanına enərək onu xilasedici kəndirlə bağlayıb və yuxarı qaldırıb.
İlkin məlumata görə, uşaq ciddi xəsarət almayıb.