Xaçmaz rayonunda 5 nəfərin xəsarət alması ilə nəticələnən yol-nəqliyyat hadisəsi baş verib.
QİA.az xəbər verir ki, bu barədə “Report”un Şimal bürosunun məlumatına görə, hadisə Xaçmaz-Niyazabad avtomobil yolunda qeydə alınıb.
Beləki, “Toyota Prado” markalı nəqliyyat vasitəsi qarşı tərəfdən hərəkətdə olan “VAZ-2107” markalı minik avtomobilinə çırpılıb.
Qəza nəticəsində Xaçmaz rayon sakinləri – 1995-ci il təvəllüdlü A.Qurbanova, 1996-cı il təvəllüdlü N.Qurbanova, 1987-ci il təvəllüdlü E.Qurbanov, 2014-cü il təvəllüdlü İ.Qurbanzadə, həmçinin Bakı şəhər sakini 1992-ci il təvəllüdlü L.Hümbətzadə müxtəlif dərəcəli bədən xəsarəti alıblar.
Yaralılar xəstəxanaya çatdırılıblar. Onların vəziyyəti orta ağır qiymətləndirilir.
Faktla bağlı araşdırma aparılır.