Qadın futbolçulardan ibarət “Neftçi” komandası bu gün UEFA Çempionlar Liqasında mübarizəyə başlayıb.
QİA.az AZƏRTAC-a istinadən xəbər verir ki, Siyasət Əsgərovun baş məşqçisi olduğu kollektiv I mərhələdə Avstriyanın “Sankt-Pölten” komandası ilə qarşılaşıb. Gürcüstanın Tsxaltubo şəhərində yerləşən Tsxaltubo Texniki Mərkəzinin stadionunda keçirilən görüş rəqibin 5:0 hesablı qələbəsi ilə yekunlaşıb.
Çempionlar yolunun II qrupunda baş tutan digər oyunda isə “Vlajniya” (Albaniya) – “Lançxuti”yə (Gürcüstan) 3:0 hesabı ilə qalib gəlib. “Ağ-qaralar” üçüncü yer uğrunda görüşdə Gürcüstan təmsilçisi ilə üz-üzə gələcək. Həmin oyun sentyabrın 7-də keçiriləcək.