Türkiyənin Antalya şəhərində 1-3 mart tarixləri arasında Üçüncü Antalya Diplomatik Forumu (ADF) keçiriləcək.
QİA.az Haber Globala istinadla xəbər verir ki, Türkiyə Respublikasının Prezidenti Rəcəb Tayyib Ərdoğanın rəhbərliyi altında keçiriləcək foruma 100-dən çox ölkədən dörd minə yaxın qonaq qatılacaq.
Bildirilir ki, Üçüncü Antalya Diplomatik Forumunda Azərbaycan, İraq, Macarıstan kimi 60-dan çox ölkə xarici işlər naziri səviyyəsində təmsil olunacaq.
Üçüncü Antalya Diplomatik Forumunun builki əsas mövzusu kimi “Böhranlar dövründə diplomatiyanın irəli çəkilməsi” müəyyən edilib.
Forum çərçivəsində Prezident Rəcəb Tayyib Ərdoğanın liderlərlə ikitərəfli görüşləri də gözlənilir.