Qusar Rayon Polis Şöbəsinin əməkdaşları tərəfindən narkotik vasitələrin qanunsuz dövriyyəsinə qarşı keçirilən əməliyyat nəticəsində narkotik vasitələrin qanunsuz dövriyyəsini təşkil edən rayon sakini Ruslan Əzizov saxlanılıb.
QİA.az AZƏRTAC-a istinadla xəbər verir ki, Daxili İşlər Nazirliyinin mətbuat xidmətinin Quba regional qrupundan verilən məlumata görə, onun üzərinə baxış keçirilən zaman psixotrop maddə metamfetamin aşkar olunaraq götürülüb.
Faktla bağlı cinayət işi başlanılıb, məhkəmənin qərarı ilə Ruslan Əzizovun barəsində həbs qətimkan tədbiri seçilib.