Rusiyanın 39 regionunda, demək olar ki, 190 yaşayış məntəqəsi yaz daşqınları nəticəsində zərər çəkib. Ən çox zərər çəkmiş region isə Orenburq vilayətidir.
Bu barədə TASS-a əməliyyat xidmətindən məlumat verilib.
Yaz selindən Rusiya Federasiyasının 39 regionunda 186 yaşayış məntəqəsi zərər çəkib, burada yaşayış binaları və bağ sahələri su altında qalıb”, – deyə agentliyin həmsöhbəti bildirib.
Onun sözlərinə görə, zərər çəkmiş bölgələr arasında Orenburq, Kurqan, Samara vilayətləri, Altay diyarı, həmçinin Tomsk, Omsk, Bryansk vilayətləri, Xakasiya və Krasnoyarsk diyarı var. Daşqın zonasında, həmçinin Novosibirsk vilayəti və Başqırdıstan, Ryazan, Moskva, Vladimir, Voloqda, Nijni Novqorod, Voronej, Saratov və Çelyabinsk vilayətləri olub.
“Orenburq bölgəsi yaz daşqınları nəticəsində ən çox zərər çəkib, burada aprelin 13-də səhər saatlarında 73 yaşayış məntəqəsində və 40-a yaxın bağçılıq icmasında daşqın müşahidə edilib”, – deyə əməliyyat xidmətinin nümayəndəsi bildirib.