Nyu-York Fond Birjasında (NYSE) əsas indeks göstəriciləri yüksəlib.
“QİA.AZ” xəbər verir ki, “Dow Jones” sənaye indeksi 542,71 bənd (+1,95%) artaraq 28 390,37 bəndə, “Standard & Poor 500” indeksi 66,98 bənd (1,95%) artaraq 3 510,43 bəndə, “Nasdaq” elektron birjasının indeksi də 300,15 bənd (+2,59%) artaraq 11 890,93 bəndə yüksəlib.
Hərracda “Alphabet”in səhmləri 0,04%, “Apple”ın səhmləri 0,75% bahalaşıb. “Microsoft”un səhmləri isə 0,62% azalıb.
WTI markalı neftin dekabr müqavilələri 1,58 faiz ucuzlaşaraq 38,53 ABŞ dollarından, qızıl isə 2,89 faiz bahalaşaraq 1 951,50 ABŞ dollarından satılıb.