Bakı-Qazax avtomobil yolunun Ağstafa rayon ərazisindən keçən hissəsində yol-nəqliyyat hadisəsi olub.
“QİA.az”ın məlumatına görə, Ağstafa rayon Dağkəsəmən kənd ərazisində 2 avtomobilin toqquşması nəticəsində, Qazax rayon sakini, 1996-cı il təvəllüdlü Elfaq Çoban və Ağstafa rayon sakini, 1980-cı il təvəllüdlü Mollayeva İlhamə İsmayıl qızı xəsarət alıb.
Qadının aldığı xəsarət daha ciddidir. Hər iki şəxs Ağstafa rayon Mərkəzi Xəstəxanasına yerləşdirilib.
Faktla bağlı araşdırma aparılır.