Avropa Parlamentinin Belçikadan olan üzvü Assita Kanko Avropa diplomatiyasının rəhbəri Jozep Borrelə yazdığı məktubda aprelin 13-dən 14-nə keçən gecə İsrailə hücuma görə Avropa İttifaqını (Aİ) İrana qarşı yeni sanksiyaların tətbiqinə çağırıb.
Kanko məktubunda İrana ballistik raket komponentlərinin tədarükünə qadağa qoyulmasını təklif edib. Onun sözlərinə görə, bu məsələ son aylarda İranın HƏMAS-a dəstəyinə görə mümkün sanksiya kimi müzakirə edilib, lakin hələ üzv dövlətlər tərəfindən razılaşdırılmayıb.