Avropa çempionatının A qrupunun Bakı Olimpiya Stadionunda (BOS) keçiriləcək Uels – Türkiyə matçına indiyədək satılmış biletlərin sayı bəlli olub.
Bu barədə “QİA.az”a AFFA-nın Mətbuat və ictimaiyyətlə əlaqələr şöbəsinin müdiri Firuz Abdulla məlumat verib.
Onun sözlərinə görə, qarşılaşma üçün 25 mindən artıq bilet satılıb.
Qeyd edək ki, iyunun 16-da keçiriləcək Uels – Türkiyə oyunu saat 20:00-da başlayacaq. BOS həmçinin A qrupunun Türkiyə – İsveçrə qarşılaşmasına, eləcə də 1/4 final mərhələsinin 1 oyununa ev sahibliyi edəcək.
Bakıda Uels və İsveçrə komandalarının ilk görüşü heç-heçə yekunlaşıb – 1:1.