“Azərbaycan Banklar Assosiasiyası” (ABA) İctimai Birliyinin nəzdində bank hesablarının açılması, aparılması və bağlanması sahəsində mövcud vəziyyətin və bu sahədə təkmilləşmələrin aparılmasının müzakirəsi məqsədilə işçi qrup yaradılıb.
“QİA.AZ” bu barədə ABA-ya istinadən xəbər verir.
Məlumata görə, artıq işçi qrupun ilk iclası keçirilib.
İclasda ABA-nın prezidenti Zakir Nuriyev çıxış edib, qrupun fəaliyyətində uğurlar arzulayıb.
Görüş zamanı bu sahədə imkan və çatışmazlıqlar, eləcə də qabaqcıl beynəlxalq təcrübə müzakirə edilib. Müzakirələr zamanı xüsusilə Türkiyə və Rusiya təcrübəsi dinlənilib və görüş iştirakçıları qabaqcıl təcrübənin ölkəmizdə tətbiqi ilə əlaqədar fikir bildiriblər.