Virtual reallıq eynəkləri ilə film izləmək əyləncə və adrenalin həvəskarları üçün sevimli məşğuliyyətdir.
Sözügedən eynəklər vasitəsilə istifadəçi sanki reallıqdan təcrid olunaraq, özünü parallel aləmdə tapır. Bu isə öz növbəsində qorxu, stress və həyəcana səbəb olur.
Valideynlər bildiriblər ki, bu cür eynəkləri nə özləri istifadə edir, nə də övladlarına icazə verirlər.
Nevroloq Leyla Şahbazovanın sözlərinə görə, bu cür adrenalinin uşaq və yetkinlərdə nevroloji problemlərə yol açdığını bildirib:
“Virtual eynəklərdən həddən artıq istifadə gərginlik, arterial təzyiq, ürək və damar problemlərinə, diqqətsizlik, yaddaş pozğunluğu və göz problemlərinədə gətirib çıxara bilər”.
Mütəxəssislər 30 dəqiqədən çox bu eynəklərdən istifadəni məsləhət görmürlər.