Şahmat üzrə norveçli dünya çempionu Maqnus Karlsenin təşkil etdiyi Çempionlar Turunun “New In Chess” adlı V mərhələsində 1/4 final mərhələsinə start verilib.
“QİA.az”ın məlumatına görə, Azərbaycan təmsilçilərindən Teymur Rəcəbov bu raundda Maqnus Karlsenlə, Şəhriyar Məmmədyarov isə Alireza Firuzca (FIDE) ilə üz-üzə gəlib.
1/4 final mərhələsindəki ilk görüşünü qara fiqurlarla oynayan Rəcəbov bütün partiyalarda sülhə razılaşıb.
Məmmədyarov isə 1/4 finala qələbə ilə başlayıb.
Bu raundun ikinci görüşləri bu gün baş tutacaq. Qarşılaşmaların ardından qalib müəyyənləşməsə, tay-brek oynanılacaq.
1/4 finalda qarşılaşacaqlar:
Maqnus Karlsen (Norveç) – Teymur Rəcəbov – 2:2
Şəhriyar Məmmədyarov – Alireza Firuzca (FIDE) – 3:1
Levon Aronyan (Ermənistan) – Uesli So (ABŞ) – 3:1
Le Kuanq Lyem (Vyetnam) – Hikaru Nakamura (ABŞ) – 1,5:2,5
Qeyd edək ki, Şəhriyar Məmmədyarov təsnifat mərhələsini 9,5 xalla 3-cü, Teymur Rəcəbov isə 8,5 xalla 8-ci pillədə başa vuraraq, pley-offa vəsiqə qazanıb. Ümumi mükafat fondu 100 000 ABŞ dolları olan turnirə mayın 2-də yekun vurulacaq. Qalib 30 000 ABŞ dolları qazanacaq.