Çinin hüquq-mühafizə orqanları ölkənin mərkəzi ərazisindəki Xubey əyalətində ərzaq bazarında qaz partlayışı ilə əlaqədar olaraq səkkiz nəfərin saxlanıldığını açıqlayıb.
“QİA.az” xəbər verir ki, bu barədə “Sinxua” agentliyi bildirib.
Saxlanılanlar arasında Çin qaz şirkətinin törəmə bölməsinin rəhbəri – Şiyan şəhərinin qazlaşdırılması üzrə məsul operator da var. Hakimiyyət orqanları araşdırmanı davam etdirir. İstintaqın ilkin məlumatlarına əsasən, hadisəyə səbəb yerli qaz kəmərinin təhlükəsizliyinə qeyri-effektiv nəzarət olub.
Qeyd edək ki, 13 iyunda, yerli vaxtla saat 06:30-da (Bakı vaxtı ilə saat 02:30) Şiyan şəhərinin Çjanvan rayonu ərazisində partlayış olub. Hadisə zamanı 25 nəfər həlak olub, 100-dən çox sakin yaralanıb. Zərbə dalğası bazarın binasını tamamilə dağıdıb, yaxınlıqdakı evlərin şüşələri sındırılıb.