Qia.az xəbər verir ki, Azərbaycan Respublikası Gənclər və İdman Nazirliyinin dəstəyi ilə “Erasmus Tələbə Şəbəkəsi – Azərbaycan” İctimai Birliyi tərəfindən Bakı şəhərində “CreARTivity – Yaradıcı gənclərin inkişaf proqramı” layihəsi həyata keçirilib.
Birliyin sədri Əli Tağıyev layihənin əsas məqsədinin müasir dövrdə əmək bazarında kreativ peşələrə tələbin artmasını nəzərə alaraq gənclərin bu sahələrdə beynəlxalq standartlara uyğun bilik və bacarıqlara yiyələnməsinə töhfə vermək olduğunu qeyd edib.
Layihə çərçivəsində yaradıcı peşələrlə (fotoqrafiya, videoqrafiya, dizayn, rəsm və s.) maraqlanan gənclər yerli, eləcə də, Türkiyə və İtaliya Respublikasından dəvət olunan beynəlxalq təlimçilərin iştirakı ilə təlim proqramına cəlb olunub, nəzəri və praktiki bilik və bacarıqlarını artırıblar.
