Müharibələrin sonunda mədəniyyət nümunələrinə, bütövlükdə mədəniyyətə çox böyük ziyan dəyir.
QİA.az xəbər verir ki, bunu VI Ümumdünya Mədəniyyətlərarası Dialoq Forumunun ikinci günündə “Münaqişədən sonrakı dövrlərdə mədəniyyətin dirçəldilməsi və qorunması üçün davamlı sülhün təmin edilməsi” mövzusunda keçirilən 9-cu Panel sessiyasında çıxış edən Azərbaycanın UNESCO yanında Daimi Nümayəndəsi Elman Abdullayev deyib.
Diplomat qeyd edib ki, mədəni irsin qorunması istiqamətində səylər birləşdirilməlidir:
“Müharibələrin sonunda mədəniyyət nümunələrinə, bütövlükdə mədəniyyətə çox böyük ziyan dəyir. Münaqişələr mədəni irsimizə çox böyük təhdid törədir. Amma bizim mədəniyyətimiz davamlıdır və bu davamlılıq bizim birgə səylərimizdən də asılıdır.
Müzakirələrimiz bizim ortaq öhdəliklərimizlə paralel aparılır və düny irsinin qorunmasına da töhfə verir. Biz nəzərdə saxlamalıyıq ki, kollektiv səylərimizi çox önəmlidir. Biz bir daha öhdəlik götürürük ki, dialoq və əməkdaşlıq körpüsü qurmalıyıq”.