İtaliyada müşahidə olunan anomal istilərlə əlaqədar paytaxt Roma daxil olmaqla, 11 şəhər üçün “qırmızı” xəbərdarlıq elan edilib.
QİA.az AZƏRTAC-a istinadla xəbər verir ki, Səhiyyə Nazirliyi yüksək risk xəbərdarlığı edib, Roma, Florensiya, Boloniya, Kampobasso, Frozinone, Latina, Perugia, Peskara, Rieti, Trieste və Viterbo şəhərlərində “qırmızı” xəbərdarlıq elan olunub.
Əhalini istilərə qarşı diqqətli olmaları barədə xəbərdarlıq edən nazirlik vətəndaşları gün ərzində saat 11:00-18:00 arası yüksək temperatura məruz qalmamağa çağırıb.
Paytaxt Romada havanın temperaturu 40 dərəcəni ötüb, bəzi yerlərdə isə 45-48 dərəcəyə çatacağı gözlənilir.
Meteoroloqlar Afrikadan qaynaqlanan anomal istilərin qarşıdakı günlərdə də davam edəcəyini bildiriblər.
Nihad Budaqov
AZƏRTAC-ın xüsusi müxbiri
Roma