Litva Seymi (parlamenti) Prezident Gitanas Nausedanın təklifi ilə İnqrida Şimoniteni respublikanın Baş naziri vəzifəsinə təsdiqləyib.
QİA.az TASS-a istinadən xəbər verir ki, plenar iclasda bunun lehinə 70 deputat səs verib, 28 nəfər əleyhinə olub, 23 deputat isə bitərəf qalıb.
Yeni hökumət təxminən üç ay fəaliyyət göstərəcək. Oktyabrda növbəti parlament seçkiləri keçiriləcək və bundan sonra yeni kabinet formalaşdırılacaq.
İ.Şimonitenin sözlərinə görə, qalan müddətdə təhsil, təhlükəsizlik və enerji sahələrində hökumət proqramı üzərində işləri başa çatdırmaq lazımdır.