İdman

Maks Ferstappen: “Bakıda podiuma çıxmağın vaxtı çatıb”

Movavi

“Bakı trası yaxşıdır, amma açığı, mənim sevdiklərimdən biri deyil”.

“QİA.az”ın məlumatına görə, bunu Avstriyanın “Red Bull” komandasının pilotu Maks Ferstappen “Formula 1” üzrə Azərbaycan Qran-prisi barədə danışarkən deyib.

24 yaşlı sürücü Bakıdakı yarışda heç vaxt podiuma çıxa bilmədiyini söyləyib. Lakin hollandiyalı pilotun fikrincə, bu tendensiyanı dəyişdirməyin vaxtı çatıb: “Görək, nə qədər rəqabətə davamlı olacağıq. amma “Mercedes”in yaxşı səviyyəyə qayıtmasını gözləyirəm”.

Qeyd edək ki, Azərbaycan Qran-prisi 4 – 6 iyunda keçiriləcək. Maks Ferstappen sonuncu Monako Qran-prisində qalib gələrək, 105 xalla liderliyə yüksəlib. Onu 4 xal az toplayan “Mercedes” pilotu Lüis Hemilton izləyir. “Maklaren”dən olan Lando Norris 56 xalla üçüncü yerdə qərarlaşıb.

Konstruktorlar Kubokunda da lider dəyişikliyi baş verib. “Red Bull” 149 xalla 1-ci pilləyə yüksəlib. “Mercedes” 148 xalla ikinci, “Maklaren” 80 xalla üçüncüdür.

Hire Freelancers

Əlaqəli xəbər

Back to top button