“Ermənistanın beynəlxalq hüquqa zidd hərəkətləri hər zaman olub” .“QİA.AZ” xəbər verir ki, bunu Azərbaycanda səfərdə olan Türkiyə Böyük Millət Məclisinin (TBMM) sədri Mustafa Şentop keçirdiyi mətbuat konfransında deyib.
Onun sözlərinə görə, Ermənistan rahat şəkildə hücum fəaliyyətindən əl çəkməyəcək: “Ermənistanda yeni seçkilər keçirildi. Nikol Paşinyan qələbə qazandı. Müharibənin sonunda barışa yönəlik addım atıldı. Ermənistan xalqının atışmalardan narahat olduğunu düşünmürəm. Atışmaların davam etməsi ilə barışın təmin edilməsi mümkün deyil. Ermənistandan beynəlxalq hüquqa əməl etməsini tələb edirik. Çünki müharibə nəticəsində acı nəticələri gördük”.