Bu ilin yanvar-noyabr aylarında Naxçıvan MR-da 2 557 milyon manatlıq ümumi daxili məhsul (ÜDM) istehsal olunub ki, bu da ötən ilin eyni dövrünə nisbətən 1% çoxdur.
Bu barədə “QİA.AZ” yerli Dövlət Statistika Komitəsinə istinadən xəbər verir.
Məlumata görə, son 1 ildə hər bir nəfərə düşən ümumi daxili məhsulun dəyəri isə 2 % artaraq 5 550 manata çatıb.
Muxtar respublikada yaranan ümumi daxili məhsulun tərkibində ilk yeri sənaye sahəsi tutur. Sənaye üzrə 967,2 milyon manat dəyərində məhsul istehsal edilib ki, bu da ötən ilin eyni dövrü ilə müqayisədə 1,5% çoxdur.
Vəsait qoyuluşları çərçivəsində 2020-ci ilin yanvar-noyabr aylarında muxtar respublikada bütün maliyyə mənbələrindən əsas kapitala 949 milyon manat vəsait yönəldilib. Bu,bir il öncəki göstəricidən 1% çoxdur.
Əsas kapitala yönəldilmiş vəsaitin 899,5 milyon manatı və yaxud 94,8%-i tikinti-quraşdırma işlərinin payına düşüb.