“Bu gün döyüş meydanında yeniliyə, mümkün olan ən sürətli icraya daha açıq olan qalib gəlir. Ona görə də indiki mərhələdə prezident Müdafiə Nazirliyinə mülki şəxsin rəhbərlik etməsinə qərar verib”.
QİA.az xəbər verir ki, bunu Rusiya prezidentinin mətbuat katibi Dmitri Peskov müdafiə naziri postuna mülki şəxsin namizədliyinin irəli sürülməsinə münasibət bildirərkən deyib.
O vurğulayıb ki, Andrey Belousov sadəcə mülki məmur deyil, Rusiya İqtisadi İnkişaf Nazirliyinə çox uğurla rəhbərlik etmiş, uzun müddət prezidentin iqtisadi məsələlər üzrə köməkçisi olmuş, eyni zamanda hökumət sədrinin birinci müavini olmuş şəxsdir”.
Qeyd edək ki, Rusiya Prezidenti Vladimir Putin müdafiə naziri postuna Andrey Belousovun namizədliyini irəli sürüb.
22:42
Rusiya Prezidenti Vladimir Putin müdafiə naziri postuna Andrey Belousovun namizədliyini irəli sürüb.
Bu barədə Federasiya Şurasının teleqram kanalında məlumat verilib.
Qeyd edək ki, əvvəlki hökumətdə Belousov baş nazirin birinci müavini vəzifəsində işləyirdi.
65 yaşlı Belousov müxtəlif vaxtlarda dövlət başçısı Vladimir Putinin iqtisadi məsələlər üzrə köməkçisi, Rusiya Federasiyasının iqtisadi inkişaf naziri, Rusiya Federasiyası Hökumətinin İqtisadiyyat və Maliyyə Departamentinin direktoru, Makroiqtisadi Təhlil və Qısamüddətli Proqnozlaşdırma Mərkəzinin baş direktoru işləyib.
2020-ci il aprelin 30-dan mayın 19-dək Mişustinin koronavirus infeksiyası ilə xəstəxanaya yerləşdirilməsi zamanı Belousov Nazirlər Kabinetinin rəhbəri vəzifəsini icra edib.
Eyni zamanda Vladimir Putin Sergey Lavrovun yenidən xarici işlər naziri vəzifəsinə təyin edilməsini təklif edib. Sergey Lavrov artıq 20 ildir ki, ölkənin baş diplomatıdır.
Federasiya Şurası bir həftədən gec olmayaraq təqdim edilmiş namizədliyə baxılmasının nəticələri barədə prezidentə məlumat verməlidir.
Xatırladaq ki, prezident seçkisindən qabaq Rusiyanın müdafiə naziri vəzifəsini ordu generalı Sergey Şoyqu icra edirdi.
Bundan əlavə Rusiya prezidenti Sergey Narışkinin Xarici Kəşfiyyat Xidmətinin rəhbəri, Aleksandr Bortnikovun isə Federal Təhlükəsizlik Xidmətinin direktoru vəzifəsinə yenidən təyin olunmasını təklif edib. Müvafiq namizədlər dövlət başçısı tərəfindən Federasiya Şurasına təqdim edilib.
Prezidentin təkliflərinə əsasən, Viktor Zolotov Rusiya Qvardiyasının rəhbəri, Dmitri Koçnev isə Federal Təhlükəsizlik Xidmətinin direktoru vəzifəsində qalacaq.
Aleksandr Linz Prezidentin Xüsusi Proqramlar Baş İdarəsinin rəhbəri kimi fəaliyyətini davam etdirəcək. İdarə, xüsusilə, dövlətin və Rusiya Federasiyası Silahlı Qüvvələrinin idarəetmə mərkəzlərinin və digər xüsusi səfərbərlik vasitələrinin hazırlığının təmin edilməsinə cavabdehdir.