Avqustun 31-də Azərbaycan Premyer Liqasında V turun növbəti oyunu keçirilib.
QİA.az AZƏRTAC-a istinadən xəbər verir ki, “Şamaxı” doğma meydanda “Neftçi”ni qəbul edib. Görüş qolsuz heç-heçə ilə yekunlaşıb.
Bu nəticədən sonra “Şamaxı” 5 xalla 7-ci yerdə qalıb. Xallarını 4-ə çatdıran “Neftçi” isə 8-ci pilləyə yüksəlib.
Günün ikinci matçında “Kəpəz” Tovuz şəhər stadionunda “Sabah”ı qəbul edəcək. Oyun 19:30-da start götürəcək.
Aktivində xalı olmayan Gəncə təmsilçisi 10-cu, bakılılar isə 7 xalla 2-ci sırada yer alıb.
Qeyd edək ki, tura sentyabrın 1-də keçiriləcək “Zirə” – “Qarabağ” matçı ilə yekun vurulacaq. Turun əvvəlki oyunlarında “Turan Tovuz” evdə “Səbail”i, “Araz-Naxçıvan” isə səfərdə “Sumqayıt”ı məğlub edib.