Milli Televiziya və Radio Şurasının Qarabağda yeni regional radio kanalının açılması üçün 102,7 MHs işçi tezliyinə 10 fevral-12 martadək elan etdiyi müsabiqə üçün sənəd qəbulu başa çatıb.
QİA.AZ xəbər verir ki, müsabiqə çərçivəsində 7 iddiaçı Şuraya sənədlərini təqdim edib.
İddiaçılar aşağıdakılardır:
– “Real Təhlil İnformasiya Mərkəzi” MMC;
– “Caspian İnternational Broadcasting Company” MMC;
– “Balans Studiyası” MMC;
– “İNS ÇM” MMC;
– “İsti Press” MMC
– “Azad Azərbaycan” Müstəqil Teleradio kompaniyası
– “ARB 24” MMC
“Televiziya və radio yayımı haqqında” qanunun 19.1-ci maddəsinə əsasən, Milli Televiziya və Radio Şurası müsabiqəyə sənəd qəbulunun başa çatmasından sonrakı 30 gün ərzində iddiaçıların sənədlərini araşdırıb müsabiqənin nəticələri barədə qərar qəbul etməlidir.