“Ötən həftə Xarici İşlər Nazirliyinin dəvəti ilə Cəbrayıl və Zəngilan rayonlarına səfərdə oldum. Azad olunmuş torpaqlarda müşahidə etdiyim dağıdılmış evlər, yerlə bir edilmiş qəbirstanlıqlar, məhv edilmiş təbiət mənzərələrindən olduqca təsirləndim”.
“QİA.AZ” xəbər verir ki, bunu Belarusun Azərbaycandakı səfiri Andrey Ravkov Qafqaz Müsəlmanları İdarəsinin sədri, Şeyxülislam Allahşükür Paşazadə ilə görüşündə deyib.
Səfir bunun dəhşətli, acınacaqlı olduğunu dilə gətirərək, Azərbaycan dövlətinin qarşısında burada görüləcək çox işlərin olduğunu vurğulayıb.