Maqnus Karlsenin təşkil etdiyi Çempionlar Turunun “Opera Euro Rapid” adlanan III mərhələsi ən çox izlənilən şahmat yarışı kimi tarixə düşüb.
“QİA.AZ” xəbər verir ki, bu barədə yarışın rəsmi “Twitter” hesabı məlumat yayıb.
Final görüşündən əvvəl yarışa 282 min 909 izləyici canlı baxıb.
Qeyd edək ki, Azərbaycan şahmatçısı Teymur Rəcəbov “Opera Euro Rapid”də üçüncü olub. 34 yaşlı qrossmeysterin bütün görüşləri ölkəmizdə “Report” İnformasiya Agentliyinin feysbuk və yutub səhifələrində canlı yayımlanıb.