Türkiyədə baş verən ağır yol qəzasında 20 nəfərədək insan xəsarət alıb.
“QİA.AZ” xəbər verir ki, bu barədə “Hurriet” məlumat yayıb.
Hadisə Sakarya əyalətində baş verib. Magistral yolda 27 avtomobil toqquşub. Qəza zamanı 17 nəfər yaralanıb. Hadisə yerinə həkimlər və yanğınsöndürənlər cəlb olunub. Yaralılar xəstəxanaya yerləşdirilib, onlardan 3-nün vəziyyəti ağırdır.
Qeyd olunur ki, qəzaya güclü yağış səbəb olub.
Faktla bağlı araşdırma aparılır.