Xaçmaz rayonunun Xudat şəhərində yeni fındıq emalı zavodu istismara veriləcək.
İqtisadiyyat Nazirliyindən “QİA.az”a verilən məlumata görə, ildə 1,5 min ton qabıqlı fındıq emal etmək gücündə olan zavodda 30-dən çox iş yeri açılacaq.
İnvestisiya dəyəri 2,7 mln. manat olan layihəyə Nazirlik tərəfindən investisiya təşviqi sənədi, Sahibkarlığın İnkişafı Fondunun xətti ilə 2 mln. manat güzəştli kredit verilib.
Müəssisənin yaxın vaxtlarda istifadəyə verilməsi nəzərdə tutulur.
QARABAĞ İNFORMASİYA AGENTLİYİ