Ağstafa Regional Mədəniyyət İdarəsinin dəstəyi, Ağstafa şəhər H.Arif adına Uşaq Musiqi məktəbinin təşkilatçılığı ilə 28 may Respublika Gününə və Azərbaycan Xalq Cümhuriyyətinin yaranmasının 103-cü ildönümünə həsr edilmiş bayram tədbiri keçirilib.
Bu barədə “QİA.az”a Ağstafa Regional Mədəniyyət İdarəsinin Mətbuat Xidmətindən məlumat verilib.
Azərbaycan Respublikasının Dövlət Himninin ifası ilə başlayan tədbirdə ilk öncə torpaqlarımızın azadlığı uğrunda canından keçən vətən oğullarımızın xatirəsi bir dəqiqəlik sükutla yad edilib.
Tədbir Ağstafa Regional Mədəniyyət İdarəsinin tabeliyində fəaliyyət göstərən Uşaq Musiqi Məktəblərinin hazırladığı rəngarəng ifalardan ibarət konsert proqramı ilə davam etdirilib. Konsertdə regionun musiqi məktəblərinin şagird və müəllimləri vətənpərvərlik mövzusunda mahnılar, kompozisiyalar ifa ediblər.
Konsert proqramı 28 may günü tam şəkildə idarənin facebook və youtube səhifələrində yayımlanacaqdır.
