Azərbaycanın azad edilmiş bütün rayonlarında yeni yarımstansiyalar tikilir. Hazırda Ağdamda 110 kilovolt gərginlikdə “Ağdam-1” və “Ağdam-2” yarımstansiyaları tikilir.
Bunu QİA.AZ -a “Azərenerji” ASC-nin ictimaiyyətlə əlaqələr şöbəsinin müdirir Teymur Abdullayev deyib.
Onun sözlərinə görə, “Suqovuşan-1” və “Suqovuşan-2” kiçik su elektrik stansiyalarında işlər başa çatıb: “Azərbaycanın azad edilmiş bütün rayonlarında 100 kilovolt gərginlikdə yeni yarımstansiyalar tikilir”.
O vurğulayıb ki, artıq “Şuşa” yarımstansiyası istismara verilib, 110/35/10 kilovolt gərginlikli “Füzuli” yarımstansiyası isə üç ay ərzində tikiləcək: “Hazırda Kəlbəcərdə 110 kilovolt gərginliyində yeni yarımstansiya və elektrikötürücü xətləri tikilir. Analoji xətlər Cəbrayıl, Qubadlı və Zəngilan rayonlarında da tikilməkdədir”.