UEFA Çempionlar Liqasının yeni formatının təsdiqlənəcəyi tarix müəyyənləşib.
QİA.AZ “The Athletic” nəşrinə istinadən xəbər verir ki, UEFA İcraiyyə Komitəsi martın 31-də turnirdə bəzi islahatlar edildiyini açıqlayacaq.
Yeni format 2024-cü ildən tətbiq ediləcək.
Qeyd edək ki, Çempionlar Liqasındakı yeni formata əsasən, komanda sayı 32-dən 36-dək artırılacaq. Komandaların qruplara bölünməsinin ləğvi təklif edilir. Əvəzində turnir İsveçrə sistemi ilə oynanılacaq. Beləliklə, hər klub fərqli rəqiblərə qarşı ən azı 10 matç (5 evdə, 5 səfərdə) keçirəcək. Bundan sonra isə turnir cədvəli formalaşacaq. İlk 8 klub birbaşa 1/8 finala yüksələcək. Digər komandalar isə növbəti mərhələyə yüksəlmək üçün yenidən mübarizə aparacaqlar.