Gürcüstanda son sutkada daha 3 768 nəfərdə koronavirus infeksiyası aşkarlanıb, 4 055 nəfər sağalıb, 41 pasiyent isə vəfat edib.
“QİA.AZ”ın yerli bürosu xəbər verir ki, bu barədə Gürcüstan hökumətinin xüsusi rəsmi saytında bildirilib.
Hazırkı dövrədək qonşu ölkədə 96 860 nəfərin COVID-19-a yoluxması faktı təsdiqlənib. Onların 77 932-si sağalıb, 894-ü isə ölüb.
Karantində 2 226, stasionar nəzarətdə 5 879 nəfər var. 3 411 nəfər isə xüsusi otellərdə müalicə olunur.