İranın ali rəhbəri ayətullah Seyid Əli Xamenei höccətülislam Qulamhüseyn Möhsün Ejeini ali məhkəmənin sədri təyin edib.
“QİA.az” xəbər verir ki, məlumatı “Mehr” agentliyi yayıb.
Əvvəllər bu vəzifəni İbrahim Rəisi tutub. O, iyunun 18-də keçirilən seçkidə prezident olub.
İran konstitusiyasına əsasən, 5 il müddətinə təyin olunur. Ancaq ali rəhbər onun səlahiyyət müddətini uzada bilər. Konstitusiyaya görə, ali rəhbər ali məhkəmənin sədrini bu vəzifəyə təyin və lazım gərləsə azad edir.
Qulamhüseyn Möhsün Ejei 1956-cı ildə anadan olub. Mahmud Əhmədinijatın prezidentliyi dövründə 2006-cı il avqustun 24-dən 2009-cu il iyulun 26-dək İran kəşfiyyatının, ETTELAAT-ının rəisi olub, 2010-cu ildən Ali Məhkəmənin sözçüsü işləyib.