Yunanıstanın “Olimpiakos” klubunun baş məşqçisi Pedro Martins Bakıya gələcək.
“QİA.AZ” xəbər verir ki, portuqaliyalı mütəxəssis “Neftçi” və Gürcüstanın “Dinamo” (Tbilisi) klubları arasında UEFA Çempionlar Liqasının I təsnifat mərhələsinin cavab oyununu izləmək üçün Azərbaycan paytaxtına təşrif buyuracaq.
Bu cütün qalibi II raundda Pirey təmsilçisinin rəqibi olacaq.
Qeyd edək ki, Tbilisidəki ilk görüşdə “Neftçi” 2:1 hesablı qələbə qazanıb. Martins həmin görüşü də tribunadan canlı izləyib. Cavab oyunu iyulun 14-də olacaq.