Futbol üzrə Azərbaycan Premyer Liqasında XVI turun daha bir oyunu keçirilib.
QİA.AZ-ın məlumatına görə, “Qarabağ” Sumqayıtda eyniadlı komanda ilə qarşılaşıb. Görüş qolsuz heç-heçə ilə başa çatıb.
Bu nəticədən sonra xallarını 30-a çatdıran Ağdam klubu “Neftçi” ilə 1 – 2-ci yerləri bölüşdürür. Ötən tur “Qarabağ” məhz flaqmana uduzaraq, liderliyi əldən vermişdi. “Sumqayıt” isə 23 xalla 4-cü sırada qalıb.
Günün ilk matçında “Səbail” evdə “Sabah”ı 2:0 hesabı ilə yenib.
Qeyd edək ki, tura fevralın 20-də oynanılacaq “Keşlə” – “Zirə” və “Neftçi” – “Qəbələ” görüşləri ilə yekun vurulacaq.