Masallının Qəhrəman şəhidi Anar Novruzov haqqında film çəkilib.
“QİA.az” xəbər verir ki, filmdə şəhid Mayorumuz Anar Novruzovun ailəsi,yaxınları, hərbçi yoldaşları və silahdaşları, dostları, sinif yoldaşları, birlikdə şəhidlik zirvəsinə ucalmış döyüş yoldaşlarının valideynləri, Millət Vəkilləri, tanınmış ziyalılar çəkilib. Filmdə Anar Novruzovun həyatından, keçdiyi döyüş yolundan və şəhidlik zirvəsinə necə yüksəldiyindən bəhs edilir. Filmin rejissoru və ssenari müəllifi jurnalist Mərhəmət Lələyev, video və montajçısı Nurşad Bayramov, fotoqrafı isə Rəşad Fərəcovdur.
Çəkilişi 3 aydır davam edən film 2 gün öncə tam hazır şəkildə şəhidimizin qardaşı Sucəddin Novruzova təhvil verilib.
Qeyd edək ki, film, Şəhid Anar Novruzovun qardaşı, beynəlxalq dərəcəli auditor Sucəddin Novruzovun təşəbbüsü ilə “Masallınınsəsi” azad media qurumunun rəhbəri Mərhəmət Lələyevin və Regional Hüquqi İqtisadi Maarifləndirmə İctimai Birliyinin sədri Arzu Bağırovanın dəstəyi ilə hazırlanıb.
Filmin təqdimatı şəhidimizin doğum günündə yəni,12 May 2021-ci il tarixi üçün nəzərdə tutulub. Daha sonra film, Masallı rayon Heydər Əliyev mərkəzində, Masallı “ASAN” kino klubunda, Rayon Mədəniyyət Mərkəzində pandemiya qaydalarına uyğun olaraq ictimaiyyətə və rayon gənclərinə, eləcə də televiziya ekranlarında, Youtube və sosial media üzərindən təqdim ediləcəkdir.
Şəhidimizin qardaşı Sucəddin Novruzov bildirib ki, ”Həqiqətən, bu, qürurverici hissdir ki, qardaşım Anarın “45” illiyinə həsr olunmuş rayonumuzun gənc jurnalisti, rejissoru film hazırlamışdır. Çəkilən filmə görə ailəmiz adından Mərhəmət Lələyev başda olmaqla, onun kollektivinə öz dərin minnətdarlığımı bildirirəm. Onu da qeyd edim ki, qardaşım Anarın “45” illiyinə Azərbaycan yazıçılar birliyinin üzvü, Prezident təqaüdçüsü, şairə-publisist Güləmail Muradın (İsayeva) “Akula ləqəbli kəşfiyyatçı” kitabı da hazırlayıb. Biz hazırda Anarın cənnətdəki ilk doğum gününə hazırlıq işləri görürük. Pandemiya qaydalarına uyğun olaraq məktəblilərin hazırladıqları kompozisiyalar, çəkilən film və kitabla tanışlıq Anarın doğum günündə olacaq. “
Filmin çəkiliş müddətində çəkilən xatirə şəkillər:
