Bolqarıstanın paytaxtı Sofiyada təşkil olunan Avropa çempionatının son günündə Azərbaycanın iki taekvondoçusu mübarizə aparacaq.
“QİA.az” xəbər verir ki, Payam Qobadi Oğaz 87 kq, Radik İsayev isə 87 kq-dan yuxarı çəki dərəcəsində çıxış edəcək.
Qobadi ilk görüşündə Yunanıstan təmsilçisi Nikolaos Tzellosla, İsayev isə Serbiyadan olan Miloş Qoluboviçlə üz-üzə gələcək.
Qeyd edək ki, əvvəlki yarış günlərində Azərbaycan taekvondoçularından Milad Beigi Hərçəqani (80 kq) gümüş, Minayə Əkbərova (46 kq) isə bürünc medal qazanıb.
QARABAĞ İNFORMASİYA AGENTLİYİ