Şotlandiyanın “Aberdin” klubu “Qarabağ”a qarşı keçirəcəyi UEFA Konfrans Liqasının pley-off mərhələsinin ilk oyunu üçün Bakıya yola düşüb.
“QİA.AZ“ın məlumatına görə, komanda günün ikinci yarısında Azərbaycan paytaxtında olacaq.
Avqustun 18-də baş məşqçi Stefen Qlassın mətbuat konfransı saat 19:30-da başlayacaq. Saat 20:00-da isə Şotlandiya təmsilçisinin 15 dəqiqəlik açıq məşqi olacaq.
Qeyd edək ki, avqustun 19-da Tofiq Bəhramov adına Respublika stadionunda keçiriləcək “Qarabağ” – “Aberdin” oyunu saat 20:00-da başlayacaq. Cavab oyunu bir həftə sonra keçiriləcək.