Müdafiə nazirinin birinci müavini – Azərbaycan Ordusunun Baş Qərargah rəisinin təsdiq etdiyi plana əsasən, Müdafiə Nazirliyinin baş idarə və idarələri arasında xalqımızın Ümummilli Lideri Heydər Əliyevin anadan olmasının 101-ci ildönümünə həsr olunan mini-futbol turniri keçirilir.
QİA.az AZƏRTAC-a istinad ilə xəbər verir ki, yarışda hərbi qulluqçular 10 komanda üzrə “A” və “B” qruplarında mübarizə aparırlar. Gərgin mübarizə və dostluq şəraitində keçən oyunları Azərbaycan Futbol Federasiyaları Assosiasiyasının (AFFA) referi idarə edir.Reqlamentə uyğun olaraq, qrup oyunları başa çatdıqdan sonra hər qrupda birinci və ikinci yerləri tutan komandalar yarımfinal mərhələsinə yüksələcəklər.
Bu mərhələnin qalibləri birincilik uğrunda final görüşünə çıxacaqlar.
Sonda qaliblər mükafatlandırılacaq.
